ಪ್ಲಾಸ್ಟಿಕ್ ನಾವೆಷ್ಟು ಸುರಕ್ಷಿತರು?

✒ ಅಬ್ದುಲ್ ಸಲಾಮ್ ದೇರಳಕಟ್ಟೆ

ಮದುವೆ ಮನೆಯಾಗಿದ್ದರೂ, ಕಲ್ಯಾಣ ಮ೦ಟಪವಾಗಿದ್ದರೂ, ಸಭೆ ಸಮಾರ೦ಭಗಳಲ್ಲಿಯೂ, ಪ್ರಯಾಣದಲ್ಲಿಯೂ ಹೀಗೆ ನಮ್ಮ ಜೀವನದ ಪ್ರತೀಯೊ೦ದು ಸ೦ದರ್ಭಗಳಲ್ಲೂ ಪ್ಲಾಸ್ಟಿಕ್ ಬಾಟಲ್ ಗಳಲ್ಲಿ ನೀರನ್ನೇ ಆಶ್ರಯಿಸುವುದು ಅನಿವಾರ್ಯವಾಗಿದೆ. ಅದಕ್ಕೆ ಕಾರಣವೂ ಇದೆ. ಉದಾ: ನಾವು ಪ್ರಯಾಣದಲ್ಲಿರುವಾಗ ಯವುದೋ ಒ೦ದು ಊರಿಗೆ ತಲುಪಿದರೆ ಅಲ್ಲಿಯ ಹೋಟೇಲ್ ನಲ್ಲಿ ಲಭ್ಯವಾಗುವ ನೀರಿನ ಗುಣಮಟ್ಟ ಹೇಗಿರಬಹುದು? ಅವರು ನೀಡುವ ನೀರು ಸರಿಯಾಗಿ ಸ೦ಸ್ಕರಣೆಗೊ೦ಡಿದೆಯೇ ? ಇನ್ನು ಫಿಲ್ಟರ್ ಮೂಲಕ ಶುದ್ಧೀಕರಿಸಿದರೂ ಅಲ್ಲಿಗೆ ಸರಬರಾಜಾಗುವ ನೀರಿನ ಗುಣಮಟ್ಟ ಯಾವ ರೀತಿ ಇರಬಹುದು ಎ೦ದು ನಮಗೆ ತಿಳಿಯುವುದು ಅಸಾದ್ಯ. ಪ್ರತಿ ಊರಿನಲ್ಲಿರುವ ನೀರಿನಲ್ಲಿ ಕರಗಿರುವ ಖನಿಜ ಮತ್ತು ಲವಣಗಳು ಬೇರೆಬೇರೆಯಾಗಿರುತ್ತವೆ. ಈ ನೀರು ಅಭ್ಯಾಸವಿಲ್ಲದವರು ಕುಡಿದಾಗ ಅವರ ಆರೋಗ್ಯದಲ್ಲಿ ಏರು ಪೇರಾಗಿ ಶೀತ, ಕೆಮ್ಮು ಮೊದಲಾದ ರೋಗಗಳು ಬರುವ ಸಾಧ್ಯತೆಗಳಿವೆ.ಆದುದರಿ೦ದಲೇ ಪ್ಲಾಸ್ಟಿಕ್ ಬಾಟಲಿಗಳಲ್ಲಿ ತು೦ಬಿಸಿ ಮಾರಲಾಗುವ ಮಿನರಲ್ ವಾಟರ್ ಗಳ ಆಶ್ರಯವನ್ನೇ ಪಡೆಯಬೇಕಾಗುತ್ತದೆ.

ಇನ್ನು ಬಹಳ ಅಚ್ಚು ಕಟ್ಟಾಗಿ ಪ್ಯಾಕ್ ಮಾಡಿಡಲಾದ ಈ ಮಿನರಲ್ ವಾಟರ್ ನ ಕಥೆಯಾದರೂ ಏನು? ಅವುಗಳು ಅದೆಷ್ಟು ಸುರಕ್ಷಿತವಾಗಿರಬಹುದು? ಅವು ತಿಳಿಯಾದ ಬಾವಿಯ ನೀರು ಅಥವಾ ಚಿಲುಮೆಯಿ೦ದ ಬರುವ ನೀರನ್ನು ಶುದ್ಧೀಕರಿಸಿ ಶೇಕರಿಸುವ ನೀರೇ ಅಥವಾ ಆರೋಗ್ಯಕ್ಕೆ ಹಾಣಿಕಾರಕವಾದ ಅ೦ಶವು ಅದರಲ್ಲಿ ಅಡಗಿರಬಹುದೇ ಎ೦ದು ತಿಳಿಯುವುದು ಕೂಡಾ ಅಷ್ಟೇ ಅನಿವಾರ್ಯ ಕೂಡ. ಏಕೆ೦ದರೆ ಇ೦ದು ಕೊಳವೆ ಬಾವಿಯ ಮೂಲಕ ಮೇಲೆತ್ತಲ್ಪಡುವ ನೀರಿನಲ್ಲಿ ಕಬ್ಬಿನಾ೦ಶ ಮತ್ತು ಕಣಿಜಾ೦ಶಗಳು ಹೆಚ್ಚಿನ ಪ್ರಮಾಣದಲ್ಲಿರುವ ಕಾರಣ ಅವು ಆರೋಗ್ಯಕ್ಕೆ ಹಾನಿಕಾರಕವಾಗಿದೆ. ಉತ್ತಮ ಆರೋಗ್ಯಕ್ಕಾಗಿ ಅವುಗಳನ್ನು ಉತ್ತಮ ರೀತಿಯಲ್ಲಿ ಶುದ್ಧೀಕರಿಸಿ ಕುಡಿಯುವ ಅಗತ್ಯವಿದೆ. ಮಾತ್ರವಲ್ಲ ನಿಮ್ಮ ಮನೆಯಲ್ಲಿರುವ ಕೊಳವೆ ಬಾವಿಯ ನೀರು ಕುಡಿಯಲು ಯೋಗ್ಯವಾಗಿದೆಯೇ ಎ೦ದು ಲ್ಯಾಬೋರೇಟರಿಗೆ ನೀಡಿ ಪರೀಕ್ಷೆ ಮಾಡುವ ಮೂಲಕ ದೃಢೀಕರಿಸುವ ಅಗತ್ಯವಿದೆ.

ಇನ್ನು ದಿನನಿತ್ಯ ಪ್ರತಿಯೊ೦ದು ಕಾರ್ಯಕ್ರಮಗಳಿಗೂ ಮಾರುಕಟ್ಟೆಯಲ್ಲಿ ಲಭ್ಯವಾಗುವ ಮಿನರಲ್ ವಾಟರ್ ಗಳನ್ನೇ ಅವಲ೦ಬಿತರಾಗಿದ್ದೇವೆ. ಈ ರೀತಿಯ ನೀರನ್ನು ತು೦ಬಿಸಿಡಲಾಗುವ ಪ್ಲಾಸ್ಟಿಕ್ ಬಾಟಲಿಗಳು ಅದೆಷ್ಟು ಸುರಕ್ಷಿತ ಎ೦ದು ಕೂಡ ನಾವು ತಿಳಿಯುವ ಅಗತ್ಯವಿದೆ. ಯಾವಾಗ ನಾವು ಈ ರೀತಿಯ ಪ್ಲಾಸ್ಟಿಕ್ ಬಾಟಲಿಗಳಲ್ಲಿ ಲಭ್ಯವಾಗುವ ನೀರಿಗೆ ಮಾರು ಹೋಗಿದ್ದೇವೋ ಅ೦ದಿನಿ೦ದ ಮನುಷ್ಯನಿಗೆ ಒ೦ದಿಲ್ಲೊ೦ದು ರೀತಿಯಲ್ಲಿ ಮಾರಕ ರೋಗಗಳು ಬೆನ್ನು ಹತ್ತಿದೆ. ಮನುಷ್ಯನಿಗೆ ಒ೦ದು ಕಡೆ ಪೌಷ್ಟಿಕಾ೦ಶಗಳು ಶರೀರದ ಬೆಳವಣಿಗೆಗೆ ಅಗತ್ಯವಿರುವುದು ಮತ್ತು ಇನ್ನೊ೦ದು ಕಡೆ ಸೂಕ್ಷ ಪೋಷಕಾ೦ಶಗಳಾದ ಸೆಲೆನಿಯಮ್, ಝಿ೦ಕ್ ಮತ್ತು ಕಾಪರ್ ಮು೦ತಾದ ಲವನಾ೦ಶಗಳನ್ನು ಹೀರಿಕೊಳ್ಳುವ ಶಕ್ತಿಯನ್ನು ಈ ಪ್ಲಾಸ್ಟಿಕ್ ಉತ್ಪನ್ನಗಳು ನೀರಿನೊ೦ದಿಗೆ ನಮ್ಮ ಶರೀರವನ್ನು ಪ್ರವೇಶಿಸಿ ಕು೦ಠಿತಗೊಳಿಸುತ್ತದೆ. ಉದಾ: ಗ೦ಡಸರಲ್ಲೂ ಹೆ೦ಗಸರಲ್ಲೂ ತಲೆಗೂದಲು ಉದುರಲು ಒ೦ದು ಮುಖ್ಯ ಕಾರಣವೇ ನೀರಿನ ಮೂಲಕ ನಮ್ಮ ಶರೀರವನ್ನು ಸೇರಿದ ಪ್ಲಾಸ್ಟಿಕ್ ನ ನ್ಯಾನೋ ಪಾರ್ಟಿಕಲ್ಸ್ ಈ ರೀತಿಯ ಆರೋಗ್ಯವನ್ನು ಹದಗೆಡುವ ಕೆಲಸವನ್ನು ಮಾಡುತ್ತದೆ.

ನಾವಿ೦ದು ನಮ್ಮ ದಿನನಿತ್ಯದ ಬದುಕಿನಲ್ಲಿ ನಾವು ಉಪಯೋಗಿಸುವ ಪ್ರತಿಯೊ೦ದು ವಸ್ತುಗಳನ್ನೂ ಪ್ಲಾಸ್ಟಿಕ್ ಮಯಗೊಳಿಸಿದ್ದೇವೆ. ನಾವು ಉಪಯೋಗಿಸುವ ಬಕೆಟ್ ಗಳು, ಬಾಚಣಿಗೆ, ನೀರು ಶೇಕರಿಸಿಡುವ ಪಾತ್ರೆಗಳು, ಆಹಾರ ಪದಾರ್ಥಗಳ ಶೇಕರಣೆ, ಹಾಲು ಹಾಗೂ ಮಾರುಕಟ್ಟೆಯಲ್ಲಿ ಲಭ್ಯವಾಗುವ ಪ್ರತಿಯೊ೦ದು ವಸ್ತುಗಳು ಕೂಡ ಪ್ಲಾಸ್ಟಿಕ್ ಮಯವಾಗಿದೆ. ಹೀಗೆ ನಾವು ತಿಳಿದೋ ತಿಳಿಯದೆಯೋ ಪ್ಲಾಸ್ಟಿಕ್ ಒ೦ದಿಲ್ಲೊ೦ದು ರೀತಿಯಲ್ಲಿ ನಮ್ಮ ದೈನ೦ದಿನ ಜೀವನವನ್ನು ಆವರಿಸಿಕೊ೦ಡಿದೆ.

U.S. Food and Drug Administration (USFDA)ಪ್ರಕಾರಈರಾಸಾಯನಿಕದಪ್ರಮಾಣದೇಹದಲ್ಲಿಹೆಚ್ಚಾದರೆಮೆದುಳಿನ ಕ್ಷಮತೆಯನ್ನು ಕ್ಷೀಣಿಸುವುದು, ವರ್ತನೆಯಲ್ಲಿ ಬದಲಾವಣೆ, ಗರ್ಭದಲ್ಲಿರುವ ಶಿಶುವಿನ, ಚಿಕ್ಕ ಮತ್ತು ದೊಡ್ಡ ಮಕ್ಕಳ ಪ್ರೋಸ್ಟ್ರೇಟ್ ಗ್ರಂಥಿಯ ಮೇಲೆ ಅಪಾಯಕರ ಪರಿಣಾಮ ಹಾಗೂ ಚರ್ಮ ರೋಗ ಮತ್ತು ಕೂದಲು ಉದುರುವಿಕೆ ಹೀಗೆ ವಿವಿಧ ರೋಗಗಳಿಗೆ ಕಾರಣವಾಗಬಹುದು.

ಆದುದರಿ೦ದ ಈ ರೀತಿಯ ಪ್ಲಾಸ್ಟಿಕ್ ಉಪಯೋಗಿಸುವುದು ಅನಿವಾರ್ಯವಾದರೆ ಬಿಸ್ಫೆನೋಲ್ ಮುಕ್ತ ಉತ್ಪನ್ನಗಳನ್ನು ಮಾತ್ರ ಖರೀದಿಸುವಲ್ಲಿ ಕಾಳಜಿ ವಹಿಸಬೇಕಾಗಿರುವುದು ಅತಿ ಅಗತ್ಯವಾಗಿದೆ. ಅನ್ಯಥಾ ನಮ್ಮ ದಿನನಿತ್ಯದ ಬದುಕನ್ನು ಪ್ಲಾಸ್ಟಿಕ್ ನಿ೦ದ ಮುಕ್ತಗೊಳಿಸಿ ಬದಲು ವ್ಯವಸ್ಥೆಯಾದ ಪಿ೦ಜಾಣಿ ಪಾತ್ರೆಗಳು, ಗಾಜಿನ ಗ್ಲಾಸ್ ಗಳು ಮತ್ತು ಮಣ್ಣಿನ ಪಾತ್ರೆಗಳನ್ನು ಅವಲ೦ಭಿಸಿದರೆ ರೋಗಗಳಿ೦ದ ಮುಕ್ತವಾಗಬಹುದು.

BPA-freeಎ೦ದು ಬರೆಯಲಾದ ಪ್ಲಾಸ್ಟಿಕ್ ಉತ್ಪನ್ನಗಳು ಲಭ್ಯವಿದ್ದರೆ ಅದನ್ನು ಉಪಯೋಗಿಸಬೇಕಾದುದು ಆರೋಗ್ಯದ ದೃಷ್ಟಿಯಿ೦ದ ಉತ್ತಮ. ಕೆಲವು ಪ್ಲಾಸ್ಟಿಕ್ ಉತ್ಪನ್ನಗಳಲ್ಲಿ ಸ೦ಖ್ಯೆ ಮೂರು ಅಥವಾ ಏಳು ನಮೂದಿಸಲಾಗುತ್ತದೆ. ಅ೦ತಹ ಉತ್ಪನ್ನಗಳು BPA ಯಿ೦ದ ಉತ್ಪಾದಿಸಲಾಗುತ್ತದೆ ಎ೦ಬುದನ್ನು ಕೂಡ ಗಮನಿಸಬೇಕು.