ಎರಡು ನೀಲಿಗೆ ಪ್ರೇಮವಂತೆ
ದ್ವೀಪವೊಂದು ಚಿಗುರಿತಂತೆ
ಒಂದನೇ ನೀಲಿಗೆ ಎರಡನೇ ನೀಲಿ ಮೇಲೆ ಮೋಹವಂತೆ
ಮೋಹವಿದ್ದರೂ ಏನೂ ಹೇಳದೆ ಸುಮ್ಮನಿತ್ತಂತೆ
ಎರಡನೇ ನೀಲಿಗೆ ತಿಳಿಯಿತಂತೆ ಅತ್ತ ತಿರುಗಿ ನಕ್ಕಿತಂತೆ
ನಕ್ಕ ನೀಲಿಯ ಕಂಡ ದ್ವೀಪ ಸಾರಿತಂತೆ
ಎರಡು ನೀಲಿಗೆ ಪ್ರೇಮವಂತೆ
ಎರಡನೇ ನೀಲಿ ಒಂದನೇ ನೀಲಿಗೆ ಹೊದಿಕೆಯೊಂದ ನೀಡಿತಂತೆ
ಶೀತಲ ರಾತ್ರಿಯ ಬೆಚ್ಚಗೆ ಕಳೆಯಲು ಉಡುಗೊರೆ ಇದಾಗಿತ್ತಂತೆ
ಹೊದಿಕೆಯ ಹೊದ್ದ ನೀಲಿಯ
ಗದ್ದ ಕೆಂಪನು ಕೆರೆಯಿತಂತೆ
ಕೆಂಪಾದ ಗದ್ದವ ಕಂಡ ದ್ವೀಪ ಸಾರಿತಂತೆ
ಎರಡು ನೀಲೆಗೆ ಪ್ರೇಮವೆಂತೆ
ಎರಡು ನೀಲಿ ಒಂದು ದಿನ ಭೇಟಿಯಾಗಲು ಹೊರಟಿತ್ತಂತೆ
ಭೇಟಿಯ ಜಾಗ ದ್ವೀಪವಲ್ಲದೆ ಉದ್ದನೆಯ ಒಂದು ಗೆರೆಯಾಗಿತ್ತಂತೆ
ಗೆರೆಯ ದಾಟಿದರೆ ಮಾತ್ರ
ಎರಡು ನೀಲಿಯ ಭೇಟಿಯಂತೆ
ಎರಡು ನೀಲಿಗೆ ಪ್ರೇಮವಂತೆ ಪ್ರೇಮಿಸಲಾಗದ ಪ್ರೇಮವಂತೆ
ಗೆರೆಯ ದಾಟದ ನೀಲಿಗಳ ಕಂಡು ದ್ವೀಪ ಸಾರಿತಂತೆ
ಎರಡು ನೀಲೆಗೆ ಪ್ರೇಮವೆಂತೆ
ಪ್ರೇಮಿಸಲಾಗದ ಪ್ರೇವವಂತೆ
ಪ್ರೀತಿಸಲಾಗದ ಗೆರೆಯಿತ್ತಂತೆ
ಅಳಿಸಲಾಗದ ನೀಲಿಗಳೆಂತೆ
ಸಾರಿತಂತೆ
ಪ್ರೇಮವಿತ್ತಂತೆ..
